Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 чырвоны, -ая, -ае.
  1. Які мае афарбоўку аднаго з асноўных колераў спектра, што ідзе перад аранжавым; колеру крыві. Шырокі чырвоны сцяг калыхаўся над закутым у браню паравозам. ← Міхась Лынькоў. На стале — чырвоныя памідоры, пакрытыя матавай пялёнкай вільгаці. ← Уладзімір Шахавец. // Пачырванелы ад прыліву крыві да скуры. Твар у салдата быў даўно няголены, барада была злямцавана, вочы чырвоныя з бессані. ← Кузьма Чорны. У хворай жанчыны былі чырвоныя заплаканыя вочы. ← Іван Шамякін. // у знач. назоўнік чырвонае, -ага, ніякі род Пра што-н. колеру крыві. Чырвоным завешаны вуліцы, Вокны, балконы і плот. ← Міхась Чарот.
  2. Звязаны з рэвалюцыйнай дзейнасцю, рэвалюцыйны; звязаны з савецкай дзяржавай, сацыялістычным ладам. Помніць вёска і першага «агіцірніка» Міцяя, што прыязджаў з чырвонага Піцера ад самога таварыша Леніна. ← Барыс Сачанка. — Байцом буду я чырвоным, — Пяты кажа гэтак, — Сцерагчы граніцы-межы Краіны Саветаў. ← Янка Купала. / у знач. назоўнік чырвоны, -ага, мужчынскі род Заставалася яшчэ кіламетраў з шэсць, каб выйсці на Гудароў лог. За гэтым логам стаіць вёска Высокая Рудня, занятая чырвонымі. ← Якуб Колас.
  3. народна-паэтычнае слова Новы, прыгожы, цудоўны. Чырвоная вясна павяла рашучы наступ. Белая зіма здае свае пазіцыі. ← Кандрат Крапіва.
  4. народна-паэтычнае слова Яркі, ясны, светлы. Чырвоная раніца хлынула ў хату яскравым сонцам. ← Цішка Гартны. Ішоў чырвоны ранак Па свеце, за акном. ← Аркадзь Куляшоў.
  5. устарэлае Пачэсны, парадны. У светлай зале За чырвоны стол.. Селі з намі поруч Сяляне з польскіх і румынскіх сёл. ← Мікола Аўрамчык.
  6. Як састаўная частка некаторых батанічных і заалагічных назваў. Чырвоны перац.
  •••
  Таварыства Чырвонага Крыжа і Чырвонага Паўмесяца (Чырвоны Крыж) гл. таварыства.
  Чырвонае віно — віно, прыгатаванае з цёмных сартоў вінаграду.
  Чырвонае дрэва гл. дрэва.
  Чырвоная Армія гл. армія.
  Чырвоная гвардыя гл. гвардыя.
  Чырвоная дошка гл. дошка.
  Чырвоная ікра гл. ікра.
  Чырвоная кніга — кніга Міжнароднага саюза аховы прыроды і прыродных рэсурсаў, якая змяшчае ў сабе кароткія звесткі аб распаўсюджанні, колькасці, біялогіі і мерах аховы рэдкіх відаў жывёлы і раслін усяго свету. Чырвоная кніга СССР.
  Чырвоная медзь — чыстая медзь (без прымесі іншых металаў).
  Чырвоная рыба — рыба сямейства асятровых (бялуга, асетр, сяўруга і пад.).
  Чырвоная субота — тое, што і камуністычны суботнік (гл. суботнік).
  Чырвоны абоз гл. абоз.
  Чырвоны гальштук — тое, што і піянерскі гальштук (гл. гальштук).
  Чырвоны жалязняк гл. жалязняк¹.
  Чырвоны куток гл. куток.
  Чырвоны лес гл. лес.
  Чырвоны напал — такая ступень нагрэву, пры якой металы пачынаюць свяціцца чырвоным святлом.
  Чырвоны радок — першы радок абзаца.
  Чырвоны флот гл. флот.
  Праходзіць чырвонай ніткай (ніццю) гл. праходзіць.
  Пусціць чырвонага пеўня гл. пусціць.