Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 дагледзець, -гледжу, -гледзіш, -гладзіць і даглядзець, -гляджу, -глядзіш, -глядзіць; закончанае трыванне, каго-што.
  1. Прагледзець да канца, да якога-н. месца, часткі. Дагледзець фільм да канца. ▪ — Надзя, — папрасіў я. — Давай даглядзім, што будзе далей! ← Кастусь Кірэенка.
  2. (звычайна з адмоўем). Заўважыць, не выпусціць з-пад увагі; упільнаваць. Калісьці, у свае дзіцячыя гады, пасучы на Скуратовічавым хутары каровы, .. [Тварыцкі] не дагледзеў чараду, і адна карова забрыла ў лес. ← Кузьма Чорны. Не дагледзіш вокам — заплаціш бокам. ← Прыказка. // Падгледзець, прасачыць за кім-н., каб даведацца пра што-н. Ялавіцкі ўсё роўна дагледзеў, на які двор пайшоў чалавек. ← Сымон Баранавых. Парашылі [конюхі] дагледзець, чым .. [Тром-сын] коней лечыць. ← Алесь Якімовіч.
  3. Паклапаціцца аб кім-, чым-н., акружыць увагай, стварыць добры догляд. Дагледзець хворага. Дагледзець дзяцей. Даглядзець агарод. ▪ — Вось да нас таварыш прыехаў. Трэба каня, хлопцы, дагледзець: накарміць, напаіць. ← Мікола Лобан. І Ленін гаварыў байцам, Што рана Яшчэ вяртацца да зямлі згібелай, Што зможам даглядзець яе старанна, Калі са зграяю пакончым белай. ← Сцяпан Гаўрусёў. // Навесці парадак, прыбраць. [Буднік] парашыў неадкладна ж папрасіць жанчыну, якая даглядала за школай, каб яна дагледзела і ягоны пакой. ← Платон Галавач.