Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 запісаць¹, -пішу, -пішаш, -піша; закончанае трыванне, каго-што.
  1. Перадаць што-н. у пісьмовай форме; занесці на паперу. Запісаць прамову. ▪ У Сымона думак многа, Не запішаш нават іх. ← Якуб Колас.
  2. Нанесці на плёнку, пласцінку з дапамогай спецыяльнага апарата. Запісаць на плёнку песню. Запісаць на відэамагнітафон.
  3. Унесці, упісаць у які-н. спіс, рэестр, кнігу і пад. Запісаць у журнал прозвішча вучня. ▪ [Самоцька] ужо і забыўся на той плуг, з прычыны якога Зэня запісаў яго ў спіс. ← Кузьма Чорны. // Уключыць у лік каго-н. Запісаць у сведкі. // Залічыць у якую-н. установу. Запісаць сына ў школу. // Пачаць лічыць каго-н. кім-н. Запісаць сябе ў старыя.
  4. Вызначыўшы што-н. каму-н., зрабіць аб гэтым адпаведны запіс. Запісаць вымову. Запісаць падзяку. ▪ Рыгорка ўсім запісаў па паўтара працадня. ← Ігнат Дуброўскі.
  5. на каго. размоўнае слова Скласці дакумент аб перадачы каму-н. чаго-н. Запісаць дом на сына.
  6. размоўнае слова Пакрыць што-н. пісьмовымі знакамі; спісаць. Запісаць усю старонку.
  •••
  Запісаць на лбе — добра запомніць.
 запісаць², -пішу, -пішаш, -піша; закончанае трыванне
  размоўнае слова Пачаць пісаць.