Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 зблытацца, -аюся, -аешся, -аецца; закончанае трыванне
  1. (1 і 2 асоба дзеяслова не ўжыв.). Перамяшацца, пераплесціся ў беспарадку; пераблытацца. Валасы зблыталіся. ▪ Вада расплёхалася, а кветкі зблыталіся, намоклі. ← Сымон Баранавых. // Пераплесціся, счапіцца з чым-н. Чорная густая чупрына зблыталася з свежай травою. ← Змітрок Бядуля. // пераноснае значэнне Страціць выразнасць, дакладнасць; змяшацца. Думкі зблыталіся. ▪ І пякучая крыўда, і боль, і страх, што пан можа пакараць за яго бацькоў, — усё зблыталася ў адзін клубок. ← Алесь Пальчэўскі.
  2. размоўнае слова Дапусціць памылку ў чым-н.; збіцца. Зблытацца ў падліку. ▪ А Лёня не разгубіўся: — Я ж акурат так пачынаў рашаць гэты прыклад, ды толькі крышачку зблытаўся. ← Алена Васілевіч. // Згубіць сувязь у думках, словах; заблытацца. [Байкоў] прыкметна хваляваўся, глядзеў у паперку, каб не зблытацца. ← Іван Шамякін.
  3. размоўнае слова Звязацца з кім-н., уступіць у якія-н. сувязі, адносіны (звычайна ганебныя). Зблытацца з бандытамі. ▪ Адслужыўшы два гады ва ўланах, .. [Зыгмусь] зблытаўся з жонкай настаўніка гарэліцкай сямігодкі. ← Янка Брыль.