Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 карміць, кармлю, корміш, корміць; незакончанае трыванне, каго-што.
  1. чым і без дапаўнення Даваць корм, ежу. Святланка і карміла, і паіла, і гладзіла казулю. ← Уладзімір Юрэвіч. Кармі парсюка мукою — пойдзе рукою. ← Прыказка. // Уводзіць ежу ў рот (таму, хто не можа есці самастойна). Карміць хворага. ▪ [Арлоўскага] ўсё яшчэ былі вымушаны карміць, як малое дзіця, з лыжачкі!.. Апранаць, абуваць!.. ← Макар Паслядовіч. // Выкормліваць дзіця сваім малаком. Карміць грудным малаком. ▪ [Таццяна] хутка ўзяла дзіця да сябе і сказала: — Я... я не кармлю яго... ← Іван Шамякін. // Адкормліваць на забой. Карміць кабана на сала.
  2. пераноснае значэнне Забяспечваць сродкамі да жыцця; мець каго-н. на сваім утрыманні. Карміць старых бацькоў. ▪ — Хлопец працуе на заводзе, корміць усю сям'ю! ← Мікола Ваданосаў. Цяпер па просьбе Андрэя Драчуна [Яўхім] жыў у яго жонкі. Памагаў засяваць ёй шнуры і карміць дзяцей... ← Міхась Чарот. // Служыць сродкам для пражыцця, крыніцай даходу. Засталася там ніва, Што адмалку карміла, Засталася крыніца, Што вадою паіла. ← Пятрусь Броўка. Ваўка ногі кормяць. ← Прымаўка. Летні дзень год корміць. ← Прымаўка.
  •••
  Карміць абяцаннямі — даваць абяцанні зрабіць што-н., але не выконваць іх.
  Карміць блох (клапоў, вошай) — знаходзіцца ў такіх умовах, пры якіх даводзіцца пакутаваць ад насякомых-паразітаў.
  Карміць хлебам — забяспечваць сродкамі для існавання.
  Карміць чарвей — быць забітым, гнісці ў зямлі.
  Паіць і карміць гл. паіць.
  Хлебам не кармі каго — нічога не трэба каму-н., толькі дай яму магчымасць зрабіць тое, да чаго ён мае вялікую схільнасць, ахвоту.