Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 магчы, магу, можаш, можа; прошлы час мог, магла, магло; незакончанае трыванне, пераважна з інфінітыў
  1. Быць у стане, мець дастаткова сілы выканаць што-н. Маці, маці!.. Вобраз твой пранясу я ў сваім сэрцы праз усё жыццё, пакуль буду магчы дыхаць, бачыць сонца, чуць людскія галасы. ← Якуб Ермаловіч. [Сяргей] .. прахапіўся і больш ужо заснуць не мог. ← Уладзімір Шахавец. // Мець магчымасць што-н. зрабіць, рабіць. За яго [роднае слова] паміралі і гіблі, Каб на здзекі і глум не аддаць, Каб маглі сёння песні і гімны Пра шчаслівую долю складаць! ← Ніл Гілевіч. // Быць здольным здзейсніць што-н. Мілая моладзь, слаўная моладзь Нашай бязмежнай краіны! Горы і мора можаш ты здолець, Сэрцам расплавіць ільдзіны. ← Янка Купала. [Карнейчык:] Я, брат, дарогу тут ведаю, заплюшчыўшы вочы магу натрапіць. ← Кандрат Крапіва.
  2. Мець права, абавязак. [Сухадольскі:] Такім чынам, я лічу, што прапанову таварыша Гусаковіча мы не можам прыняць. ← Кандрат Крапіва.
  3. Абазначае верагоднасць, магчымасць якога-н. дзеяння. Некаторым можа паказацца, што Міколку заўсёды жылося весела і бесклапотна. ← Міхась Лынькоў. [Ананімныя паэмы «Энеіда навыварат» і «Тарас на Парнасе»] не маглі б з'явіцца ў маладой беларускай літаратуры, каб не было творчасці вялікіх рускіх паэтаў Жукоўскага, Пушкіна і Лермантава. ← Алег Лойка.
  •••
  Не магчы (не ўмець) звязаць двух слоў — пра няўменне прыгожа, звязна гаварыць, выказваць свае думкі.
  Не можа быць! — вокліч, які выказвае недавер, сумненне, здзіўленне і пад.
  Не можа быць (і) гаворкі — нельга нават і гаварыць аб выкананні, здзяйсненні чаго-н.