Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 падзяліць, -дзялю, -дзеліш, -дзеліць; закончанае трыванне, каго-што.
  1. Размеркаваць, раздзяліць (на часткі, групы і інш.). Падзяліць рэспубліку на вобласці. Падзяліць хату на дзве палавіны. ▪ [Дзед:] — Хіба можна бясконца зямлю дзяліць?.. Падзялілі ўздоўж, падзеляць упоперак, а тады што?.. ← Платон Галавач. Чайную фабрыку пакінулі для агульнага карыстання, а плантацыю падзялілі. ← Янка Маўр. Праз некаторы час вучняў падзялілі на арцелі. ← Георгій Шыловіч. // Размеркаваць паміж кім-н., дзелячы на роўныя долі. — Я падзяліў сыры і сала між таварышамі... ← Змітрок Бядуля. [Камісараў:] Падзяліце хлеб на ўсіх. ← Аркадзь Маўзон.
  2. Зрабіць падзея маёмасці, гаспадаркі. [Міця:] — Надзелы драбнелі, а людзі множыліся. Як было бацьку падзяліць тры дзесяціны на трох сыноў? ← Іван Навуменка.
  3. Аддаць частку свайго каму-н. Хадзем, дачка, са мной, — З табой усё, што маю, падзялю я. ← Анатоль Астрэйка. І напалам кавалак хлеба З табой па-брацку падзяліў. ← Пятро Прыходзька. // пераноснае значэнне Аддаць, уступіць каму-н. што-н. Падзяліць першае і другое месца. Дзеці не падзялілі мячыка.
  4. пераноснае значэнне Перажыць што-н. разам. Мы ўсе — Радзімы мужныя салдаты, Мы з ёй падзелім цяжкі лёс. ← Алесь Бачыла. Так і не падзяліла маці Марынінай радасці. ← Уладзімір Шахавец. // Далучыцца да чужых поглядаў, выказаць згоду. Падзяліць думкі аўтара.
  5. Зрабіць дзеянне дзялення (у 2 знач.). Падзяліць трыццаць на шэсць.