Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 падсячы і падсекчы, -сяку, -сячэш, -сячэ; -сячом, -сечаце; прошлы час падсек, -секла; загадны лад падсячы; закончанае трыванне, каго-што.
  1. Надсячы знізу. Падсекчы пласт вугалю. Падсячы камель сасны. ▪ [Язэп] падсек дзве.. [бярозы]. Зрабіў лубкі, і першыя кроплі бярозавіку скаціліся па іх у прынесеную пасудзіну. ← Алесь Асіпенка.
  2. і чаго. размоўнае слова Насячы дадаткова, яшчэ трохі. Падсячы дроў.
  3. пераноснае значэнне размоўнае слова Падарваць асновы чаго-н., прывесці ў заняпад што-н. Падсекчы прыбыткі гаспадаркі. ▪ — Падсякуць, брат, заработкі мне, — казаў.. [Шкель]. ← Якуб Колас. // Рэзкай заўвагай збянтэжыць, паставіць у цяжкае становішча. Падсекчы дакладчыка раптоўным пытаннем.
  4. Тузануць вудзільнам лёску ў той момант, калі рыба бярэцца за кручок. Паплавок зноў тузануўся і знік пад вадою. Мішка падсек, і хутка ладная краснапёрка затрапятала ў руках. ← Аркадзь Кандрусевіч.