Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 прапанаваць, -ную, -нуеш, -нуе; закончанае трыванне і незакончанае трыванне
  1. каго-што і з інфінітыў Заявіць (заяўляць) аб гатоўнасці, жаданні памагчы, зрабіць паслугу, даць у чыё-н. распараджэнне што-н. Прапанаваць свае паслугі. ▪ Паходня прапанаваў мне пасяліцца ў яго, і я з удзячнасцю згадзіўся. ← Тарас Хадкевіч. Яўхім прапанаваў .. [Антосю] свайго каня, каб навазіць дроў. ← Аркадзь Чарнышэвіч.
  2. што і з дадан. сказам. Выказаць (выказваць), унесці (уносіць) прапанову, параіць (раіць). Новы старшыня на праўленні прапанаваў: пакуль яшчэ падмерзлае балота трымае, на поле навазіць торфу! ← Аляксей Карпюк. — Пагуляем сёння разам, — Прапануе ўсім Васіль. ← Алесь Ставер. // каго-што. Выставіць (выстаўляць) чыю-н. кандыдатуру, рэкамендаваць. Прапанаваў кандыдатуру Дзіміна сам дырэктар, і таму яе лёгка падтрымалі, хоць Дзімін і адмаўляўся. ← Уладзімір Карпаў.
  3. што. Даручыць (даручаць) выканаць. Прапанаваць цяжкую задачу.
  •••
  Прапанаваць руку (і сэрца) каму — прасіць стаць сваёй жонкай.