Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 прыйсціся, прыйдуся, прыйдзешся, прыйдзецца; прошлы час прыйшоўся, -шлася, -шлося; закончанае трыванне
  1. Аказацца адпаведным, падысці па якіх-н. прыкметах, у якіх-н. адносінах. Прыйсціся па памерах. Прыйсціся да твару. Прыйсціся на нагу. ▪ «Калі ж небудзь Тамаш будзе такі, што яму якраз прыйдзецца гэтая вопратка». ← Кузьма Чорны. — Дык чым жа я вам гэтак прыйшлася? — спытала Аніся. ← Раман Сабаленка. Спецыяльнасць токара прыйшлася тут вельмі дарэчы. Шахавец.
  2. Апынуцца на якім-н. месцы, узроўні; супасці з чым-н. Свята прыйшлося на нядзелю. ▪ Затым [Нучынскі] агледзеў прыборы, пакратаў рабрыстую ручку упраўлення, якая прыйшлася між калень. Алешка. Адзін удар прыйшоўся па твары. Брыль.
  3. Скласці якую-н. колькасць у адносінах да каго-н.; дастацца. Яшка даў нам па дзве толавыя шашкі .. Па дзве, дык па дзве — мы не супраць. Добра, што і гэта прыйшлося. Пянкрат. Па добрага паўвоза сена кожнаму прыйшлося. Чорны. Новыя — у руках шапацяць, як бярэш, — чатыры чырвонцы прыйшліся Адасю. ← Лукаш Калюга.
  4. безасабовая форма з інфінітыў Аказацца вымушаным (што-н. рабіць). Майстэрня, пакуль цёпла, — у хлеўчуку, зімой прыйдзецца перабрацца ў хату. Навуменка. Нага забалела так, што Цімошку прыйшлося застацца дома і легчы ў пасцельку. ← Якуб Колас. Ні Іллюк, ні нават Міхалючок маляваць не ўмелі, дык прыйшлося навырэзваць малюнкаў. ← Кузьма Чорны. // Выпасці каму-н. на долю, давесціся; здарыцца. [Навічкі] тупалі каля вазоў і баязліва паглядалі на будынак, дзе ім прыйдзецца вучыцца чатыры гады. ← Сцяпан Александровіч. Прайшоў я уздоўж, папярок Беларусь і Літву. Людзей бачыць усякіх прыйшлося. ← Максім Танк. Танцавалі дзе прыйшлося: на пакосе — на пакосе. ← Уладзімір Дубоўка.
  5. 3 асоба дзеяслова адзіночны лік прыйдзецца (у спалучэнні з папярэднім займеннікам або прыслоўем). Ужываецца для ўказання на няпэўнасць, выпадковасць. Дзе прыйдзецца. Што прыйдзецца.