Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 разлічыцца, -лічуся, -лічышся, -лічыцца; закончанае трыванне
  1. Цалкам расплаціцца з кім-н. (за работу, за тавар і пад.). Разлічыцца з афіцыянтам. ▪ [Заранік], устаўшы з-за стала, падзякаваў і памкнуўся быў разлічыцца за начлег, але цётка Марта так энергічна накінулася на яго, што ён выхапіў, нібы апараную, руку з кішэні, куды палез па грошы. ← Тарас Хадкевіч. // пераноснае значэнне Адпомсціць каму-н. за што-н.; звесці рахункі з кім-н. Калі здаралася, што хто-небудзь крыўдзіў Толіка, ці яго кацянё, Алёша, як віхор, налятаў на віноўніка, гатовы з ім сурова разлічыцца. ← Алена Васілевіч. // пераноснае значэнне Адмовіцца, вызваліцца ад чаго-н. Разлічыцца з ілюзіямі.
  2. размоўнае слова Звольніцца, узяць разлік. Разлічыцца на рабоце. ▪ — Вунь, стрыечны брат твайго мужа, бадай, як і ты, гадоў дзесяць пражыў у Мінску, а цяпер разлічыўся на заводзе і з усёй сям'ёй прыехаў сюды. ← Мікола Ткачоў.
  3. Зрабіць разлік у страі. Капітан Ігнатаў загадаў разлічыцца па парадку. ← Антон Алешка. — На першы-другі разлічыцца!.. Здвоіць рады! ← Аркадзь Куляшоў.