Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 тушыць¹, тушу, тушыш, тушыць; незакончанае трыванне, што.
  Спыняць гарэнне чаго-н.; гасіць. Сястра ўжо тушыла святло на калідоры. ← Алесь Асіпенка. Паравозы выпускала пару, тушылі топкі. ← Міхась Лынькоў. [Ігар] тушыў папяросу, тыкаючы яе ў дно сподка. ← Аляксей Карпюк. // пераноснае значэнне Спыняць, заглушаць (якія-н. пачуцці, каханне і пад.). Успамін пра брата астуджвае Васілісін голас, тушыць яе добрую ўсмешку, абуджае даўнюю крыўду і злосць. ← Алена Васілевіч. Урэшце .. [Яраш] мог бы заклікаць на дапамогу сябра і разважлівую, спакойную Валянціну Андрэеўну, якая неаднойчы ўжо тушыла ўспышкі Галінай хваравітай рэўнасці. ← Іван Шамякін. // пераноснае значэнне Не даваць развівацца, пашырацца чаму-н. Хай льюцца песень грэлі Ад сэрца, ад душы. Яны людзей сагрэлі, Не буду іх тушыць. ← Язэп Пушча. / у вобразным ужыв. Зоры не паспявалі з'явіцца ўваччу, як успышка святла зноў тушыла іх. ← Кузьма Чорны.
  •••
  Тушыць (гасіць) мяч — ударам зверху прызямляць (у валейболе, тэнісе і пад.).
  Снег саломаю тушыць — рабіць якую-н. бязглуздзіцу, глупства.
 тушыць², тушу, тушыш, тушыць; незакончанае трыванне, што.
  Варыць на малым агні ў закрытай пасудзіне. Тушыць капусту. Тушыць мяса. Тушыць агародніну.