Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 узысці, узыду; узыдзеш, узыдзе; прошлы час узышоў, -шла, -шло; загадны лад узыдзі; закончанае трыванне
  1. Ідучы, падняцца куды-н. Пад'ехаўшы да школы, Лабановіч выскачыў з драбінак і ўзышоў на ганак. ← Якуб Колас. Я толькі на пагорак узыду, а ты ўжо кіруеш у нізіну. ← Макарэвіч. Змітрок узышоў на другі паверх, адчыніў дзверы. ← Мікола Ваданосаў. // Прайсці, пралегчы праз узвышэнне (пра дарогу, сцежку і пад.). Шаша ўзышла па ўзгорак і стала пятляць па лесе. ← Іван Навуменка. / у пераноснае значэнне ужыв. Тры пакаленні беларускіх паэтаў плённа працавалі ў гады вайны. .. На якасна новыя рубяжы ўзышлі паэты сярэдняга пакалення: П. Броўка, П. Глебка, А. Куляшоў. ← Гіст. бел. сав. літ.
  2. Ступіць, уз'ехаць на паверхню чаго-н., па што-н. Узысці на кладку. ▪ Толік узышоў на загон, паставіў касу,.. узяў у рукі мянташку. ← Мікола Капыловіч. Цягнік збавіў ход і асцярожна ўзышоў на мост. ← Уладзімір Карпаў. [Чубар] саступіў у малады хвойнік і .. пачаў прабірацца скрозь яго, каб абмінуць павуціну і ўзысці пасля зноў на сцежку. ← Іван Чыгрынаў. // Увайсці, уехаць куды-н. Фурман быў захоплены работай і не пачуў, як узышоў на двор Мікола. ← Іван Новікаў.
  3. з'явіцца, узняцца над гарызонтам (пра нябесныя свяцілы). Сонца толькі што ўзышло, а на сядзібе ўжо былі людзі. ← Тарас Хадкевіч. Узышоў месяц і ясна стала. ← Кузьма Чорны. Дзень на змену ночы йдзе; Вось узыдзе сонца скора. ← Кандрат Крапіва.
  4. Праросшы, паказацца на паверхні глебы. Паліна Нікандраўна з Аняй Кавалёвай стаяць каля ўчастка лубіну, які толькі што ўзышоў. ← Ігнат Дуброўскі.