Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 украсці, украду, украдзеш, украдзе; прошлы час украў, украла; закончанае трыванне, каго-што.
  Узяць цішком, прысвоіць сабе чужое. [Прыбіральшчыца:] — Надоечы я адну дзяўчыну мусіла суцяшаць .. Дакументы і грошы ў яе прапалі. Дзе падзеліся — не знае. Ці ўкралі, ці згубіла — невядома. ← Іван Грамовіч. // пераноснае значэнне Падманам, інтрыгай прысвоіць, захапіць што-н. (уладу, славу і пад.). [Лабыш:] Во жулік... Атруціў, забіў, зарэзаў... і абакраў! Славу маю ўкраў!.. ← Іван Козел. // пераноснае значэнне Выкарыстаць што-н. за кошт іншых, пазбавіўшы каго-н. чаго-н. Трэба біць, біць іх больш, ворагаў, што хочуць украсці .. наша шчасце. ← Іван Шамякін.
  •••
  З-пад сучкі яйцо ўкрасці — быць хітрым, вёрткім, з адчайна-зухаватымі выхадкамі.
  У бога цяля ўкрасці — быць выключэннем сярод іншых.