Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 церці, тру, трэш, трэ; тром, траце; прошлы час цёр, церла; загадны лад тры; незакончанае трыванне, каго-што.
  1. Націскаючы, вадзіць узад і ўперад па паверхні чаго-н. [Зося] трэ па гарачай скаварадзе подмазкай, ад чаго скаварада шыпіць, і ад яе ідзе пахучы сіняваты дымок. ← Кандрат Крапіва. Неўзабаве ў хату ўвайшла бабка і стала церці застылыя рукі. ← Сцяпан Александровіч. Антанюк узброіўся нажом, закасаў рукавы пінжака і скроб абсмаленую тушу, цёр мокрай саломай. ← Іван Шамякін. // Водзячы ўзад і ўперад чым-н. або па чым-н., ачышчаць, мыць, надаваць бляск і пад. У святочныя дні дзед .. яшчэ важней цёр мелам свае медалі і, навесіўшы іх на грудзі, урачыста ішоў на станцыю. ← Міхась Лынькоў.
  2. Размінаючы, націскаючы, змешваць, ператвараць у парашок, у дробную аднародную масу. Церці тытунь. ▪ [Стэфа] церла мак, рашчыніла цеста на бліны. ← Лідзія Арабей.
  3. і без дапаўнення Будучы цесным, нязручным, выклікаць боль, пашкоджваць скуру. Чаравікі труць. ▪ І пакуль вылечыўся, [Вялічка] не мог насіць ботаў, халява церла яму хворую нагу. ← Кузьма Чорны.
  4. Пераціраць, рабіць мякчэйшым. У Малінаўцы лён церлі талакой. ← Аркадзь Чарнышэвіч. Жанчыны, на хаду падвязваючы фартухі, па адной і чародкамі беглі паўз Ярыніну хату ў сушню церці і трапаць лён. ← Алесь Бажко.