Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 тут, прыслоўе
  1. У гэтым месцы. Цякла тут з лесу невялічка Травой заросшая крынічка. Абодва берагі каторай Лазняк, алешнік абступалі. ← Якуб Колас. Мы спыніліся. Далей няма шляхоў нам. Далей Масква. Тут нам стаяць насмерць. ← Пімен Панчанка. [Нахлябіч:] — Ты [Баляслаў] тут? А я думаў, што цябе даўно тут няма. ← Кузьма Чорны.
  2. У гэты час, у гэты момант, тады. І тут выявілася, што праваднік страціў арыенціроўку. ← Сяргей Анісаў. Заплакаў тут горка Міколка. ← Міхась Лынькоў. А тут якраз і гаспадыня, надзеўшы сукню для гасцей, Шыбуе важна, як гусыня, І ветласць сыплецца з вачэй. ← Якуб Колас. // У гэтым, у даным выпадку; пры гэтых абставінах. На чарзе новыя клопаты: сяўба яравых. І тут механізатары павінны, як кажуць, сыграць першую скрыпку. ← Віктар Шымук.
  3. у знач. часціцы. У спалучэнні з займеннікамі і прыслоўямі «як», «які», «дзе», «куды», «калі» ужываецца ў рытарычных пытаннях для ўзмацнення экспрэсіўнасці выказвання. Якуб Колас адказвае за тое, як напісана кніга, а .. Лазунок — за тое, як яна будзе надрукавана. І як тут пасля гэтага не ганарыцца? ← Янка Брыль. // У спалучэнні з займеннікам «што» у рытарычных пытаннях ужываецца для ўзмацнення выказанага ім адмоўнага значэння. На што тут словы, калі і так усё зразумела.
  4. у знач. часціцы. Выкарыстоўваецца пры пераходзе да якой-н. тэмы, прыкладу. Ну, тут дзеўка бягом да начальніка. Здзівіла яго, што зноў з'явілася. ← Мікола Ракітны.
  •••
  Адна нага тут, другая там гл. нага.
  І ўсё тут гл. усё.
  Не тут кажучы (казана) гл. кажучы.
  Там і тут; тут і там гл. там.
  То там, то тут; то тут, то там гл. там.
  Тут жа — адразу ж. — Людзі пераязджаюць на Каўказ і распрадаюць маёмасць, — і тут жа [Паліна] параіла [мужу] пазычыць грошай у касе ўзаемадапамогі. ← Алесь Пальчэўскі.
  Тут як тут (у знач. выказнік) — раптам, адразу, у гэты момант (з'явіцца). Пачаў Варанецкі будаваць фабрыку ўгнаенняў — Бялоцкі тут як тут. ← Ігнат Дуброўскі.
  Што тут і казаць гл. казаць.
  Што я (ты, ён) тут забыў? гл. я.