Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 б¹, нескланяльнае слова, ніякі род
  1. Другая літара беларускага алфавіта, якая мае назву «бэ». Малое б. ▪ Хто сказаў а, той павінен сказаць і б. ← Прыказка.
  2. Выбухны, звонкі, губна-губны зычны гук. Звонкае б.
 б²,
  гл. бы¹.

 бы¹ (пасля галосных — б), часціца.
  Ужываецца пры дзеясловах прошлага часу, інфінітывах і прэдыкатыўных прыслоўях са значэннем магчымасці або неабходнасці дзеяння, утвараючы ўмоўны лад або апісальную форму ўмоўнага ладу; ставіцца пасля дзеяслова або слоў, на якія падае сэнсавы націск.
  1. Са значэннем умоўнай магчымасці дзеяння. Які дзівосны сад квітнеў бы тут, каб рука чалавека адвяла воды горных рэк. ← Эдуард Самуйлёнак. Я б смяяўся, жартаваў бы, Каб вас чуць развесяліць. ← Якуб Колас.
  2. Са значэннем пажадання або пажаданай неабходнасці дзеяння. Цябе, зямля, ў адзенні новым, Хацеў бы к сэрцу прыгарнуць. ← Якуб Колас. — Чаго вы так спяшаецеся? Набылі б трохі, пагулялі. Пагасцілі б у новых сваякоў. ← Кузьма Чорны. Шэрае пер'е аблокаў Вецер світальны нясе. Покуль пагодзіць і годзіць, Сена сабраць бы ў стагі. ← Максім Танк. Хутчэй бы прайсці, праскочыць гэта страшнае месца. ← Міхась Лынькоў.
  3. Са значэннем просьбы. — Ты схадзіў бы, Максімка, да іх, праведаў бы... ← Іван Шамякін.
 бы², злучнік
  размоўнае слова Ужываецца пры дапушчальным параўнанні рэальнага характару ў значэнні «як», «усё роўна як». [Сава] як адляціць ды пачне выгукваць ды плакаць, бы малое дзіця, дык аж пошчак ідзе па лесе. ← Алесь Якімовіч. А дзеці прыціхнуць, бы тыя птушкі ў гняздзе, калі над імі каршун пралятае... ← Якуб Колас. // Ужываецца пры дапушчальным параўнанні ўмоўна-ўяўнага характару; адпавядае па свайму значэнню злучнікам «быццам», «нібы». З-за павароту дарогі перад Сцёпкам вынікнуў семафор, бы нейкі вартаўнік з працягнутаю рукою. ← Якуб Колас. Лодкі выплылі на Нарач, бы на сіне-мора. ← Максім Танк. [Юстынь] прыхінуўся плячамі да сцірты, бы адчуваў — падагнуцца ногі, не ўстоіць. ← Аркадзь Чарнышэвіч. Як маці, яна [цётка Аксення] паглядзела мне ў вочы, Бы кажа: не будзь сёння, хлопчык, малым. ← Пятро Прыходзька.
  •••
  Быццам бы гл. быццам.
  Калі б гл. калі.
  Хоць бы гл. хоць.
  Як бы гл. як.