Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 страх, -у, мужчынскі род
  1. Пачуццё і стан вельмі моцнага спалоху; боязь. Калаціцца ад страху. Умлець ад страху. ▪ Грыша раптам прыгадаў бацькоў і здрыгануўся: яго апанаваў страх. ← Алесь Пальчэўскі. Карн ніколі не ведаў пачуцця страву, ніколі не думаў аб смерці. ← Іван Шамякін. А дужасцю славіцца той, Хто можа любою парой — Хоць радасць, хоць гора ці страх — Трымаць сябе моцна ў руках! ← Янка Непачаловіч. Алень, адчуўшы на сабе драпежніка, ад болю і страху памчаў, як шалёны. ← Віталі Вольскі. // Выражэнне, праяўленне трывогі, неспакою, боязі. І з кожным пытаннем голас у Васіля змяняўся: то ў ім гучэў малады задор, то чуўся страх утраты любай дзяўчыны. ← Якуб Колас. У .. вачах [жанчыны] быў страх. ← Іван Мележ. // звычайна мн. (страхі, -аў). размоўнае слова Тое, што страшыць, выклікае трывогу. Юстын плакаў. Ніколі ён яшчэ не бачыў столькі страху. ← Рыгор Няхай. Аб .. [Радзівіле] старац шмат страху казаў, Ажно з жалю сціскаліся грудзі, Як ён вёскі паліў, мужыкоў забіваў, Як бязвінную кроў лілі людзі. ← Міхась Чарот. / у вобразным ужыв. [Бабка Ягася:] — Ціха, дзіцятка, спі, Лізанька, я страхі прэч прагнала, яны больш не вернуцца. ← Лідзія Арабей. У страха вочы лупатыя і лыжка здаецца лапатаю. ← Сяргей Грахоўскі.
  2. у знач. выказнік размоўнае слова Страшна, жах. [Маці:] — Юрку Пакамісяваму хоць бы што, а Шуру ноччу так разварыла — проста страх. ← Алесь Ставер.
  3. у знач. прыслоўе размоўнае слова Вельмі, надзвычайна. А колькі зелені там летам! Як у вяночку, стаіць хата. Грыбоў і ягад — страх багата!.. Там выгад болей, чалавеча!.. ← Якуб Колас. [Дзед Нічыпар:] — Наадварот, гэта я вам дзякаваць павінен: страх не люблю адзін па дарогах ездзіць. ← Яўген Васілёнак. // (у спалучэнні са словам «колькі»: страх колькі). Вельмі многа, вельмі моцна. Цераз верх плота па снягу лазілі зайцы. Шмат — страх колькі — папсавалі прышчэпаў. ← Сымон Баранавых.
  •••
  Набрацца страху — нейкі час быць у стане моцнага спалоху.
  Нагнаць страху на каго гл. нагнаць (у 6 знач.).
  На свой страх — тое, што і на сваю рызы ку (гл. рызыка).
  Не вялік (і) страх — не мае значэння, няважна.
  Не за страх — свядома, па сваёй волі; вельмі старанна, добрасумленна (рабіць што-н.). Мы не за страх — за сваё рабілі. ← Аркадзь Куляшоў.
  Пад страхам чаго — пад пагрозай.
  Страх бярэ (браў, узяў) — а) становіцца (станавілася, стала) страшна. Не было начной рашучасці, і млявасць была ў нагах, у руках. Аж брыдка, браў страх... ← Іван Мележ; б) становіцца (станавілася, стала) неспакойна, дзіўна. [Фрэйда:] — Вучыцца ён добра, і ў яго такі сталы розум, што мяне аж страх бярэ. ← Змітрок Бядуля.
  Трымаць у страху (пад страхам) каго — поўнасцю падначаліць сабе, падпарадкаваць пагрозамі каго-н.
  Увагнаць у страх каго — тое, што і нагнаць страху (гл. нагнаць у 6 знач.).