Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 навалач, -ы, жаночы род
  размоўнае слова
  1. Хмары, туман, смуга. На момант святлее, а пасля навалач насоўваецца ізноў. ← Піліп Пестрак. Ноч пацямнела, у змрочнай навалачы зусім знік месяц. ← Васіль Быкаў.
  2. грубае Той, хто прыйшоў, з'явіўся аднекуль, не тутэйшы. — Нейкая навалач з усяго свету сядзіць у Наносах, як скула, і адважваецца папракаць яго, Сцяпана Івашкевіча! ← Аркадзь Чарнышэвіч.
  3. зборны назоўнік пагардлівае Зброд, варожыя людзі. Фронт штодзённа патрабаваў як мага больш паравозаў, баявой тэхнікі для барацьбы з фашысцкай навалаччу. ← Раман Сабаленка.
  4. Тое, што і напасць. «І што гэта ва навалач такая,.. — не гараць дровы, хоць ты трэсні». ← Янка Сіпакоў. «Што за навалач?» Боль, уеўшыся ў спіну, дзіўным водгуллем чуўся то ў баку, то ў жываце. ← Міхась Вышынскі.