Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 факт, -а, Месны склон -кце, мужчынскі род
  1. Сапраўдны, нявыдуманы выпадак, з'ява, здарэнне; тое, што адбывалася на самай справе. Падзеі, якія адбываюцца ў п'есе «Раскіданае гняздо», абапіраюцца на жыццёвыя факты. ← Яўген Рамановіч. // Прыклад, выпадак. [Краўчанка:] — А факты адгрузкі пустой пароды? Гэта ж усё абгрунтоўваецца .. [Берднікавым] навукова. ← Барыс Мікуліч. Сам факт паездкі [моладзі] на цаліну зробіць карысны ўплыў на калгаснікаў, паспрыяе ўзмацненню працоўнай актыўнасці. ← Ігнат Дуброўскі. // Матэрыял для якога-н. вываду, заключэння. У час вайны Даніла Мікалаевіч не аднойчы сустракаўся з фактамі, якія прывучылі яго да больш разважлівых вывадаў. ← Макар Паслядовіч. Шэркас расказаў.. падрабязна і кожны свой довад пераканальна пацвердзіў фактамі. ← Аляксей Кулакоўскі.
  2. Рэальнасць, рэчаіснасць. [Доктар:] — Я рэвалюцыі чакаў і нават памагаў яе рабіць, пакуль яна не была фактам. ← Кузьма Чорны. // Наяўнасць чаго-н. У падмацаванне факта гэтай распусты Аленчына маці расказала некалькі прыкладаў. ← Якуб Колас. / у знач. выказнік размоўнае слова Пра бясспрэчную ісціну. [Янукевіч:] — Нашым механізатарам цяпер ёсць чым пахваліцца — гэта факт. ← Тарас Хадкевіч. [Сцяпан Пятровіч:] — У мяне двое дзяцей. І што я іх люблю — факт. ← Якуб Ермаловіч.
  3. у знач. сцвярджальнай часціцы. размоўнае слова Ужываецца ў значэнні: сапраўды, зразумела, бясспрэчна. [Інжынер:] — Ох, і хітр[ы] ж .. гэты Маслабоеў! Чуў, куды ён гне? Залагоджвае начальства, факт! ← Яўген Каршукоў.
   [Ад лац. factum — зробленае.]