Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 сярдзіты, -ая, -ае.
  1. Схільны сердаваць, злавацца; злосны (пра чалавека). Маці ў .. [Івана] была сярдзітая, набожная жанчына. ← Міхась Машара. На маё дзіва, звычайна сярдзіты і строгі, бацька нават не накрычаў. ← Янка Скрыган. Сярдзіты стораж выганяў нас з саду, З шырокай барадой, як памяло. ← Сцяпан Гаўрусёў. // Уласцівы такому чалавеку. Сярдзіты нораў. // Люты, злы (пра жывёл). У дзядзькі Антона надта сярдзітыя сабакі, ды затое разумныя, умелі пільна сцерагчы двор. ← Іван Грамовіч.
  2. Які сярдуе, злуецца на каго-, што-н., перажывае гнеў. [Аптэкар:] — Нешта дзядзька Галілей дужа сярдзіты сягоння? ← Міхась Зарэцкі. Базыль дадому вярнуўся стомлены, сярдзіты. ← Алесь Бажко. [Кіру] пад локаць падтрымліваў Пракоп Свірын — нахмураны, нават сярдзіты. ← Уладзімір Карпаў. // Які мае гнеўны, злы выраз (пра вочы, твар і пад.). Поглядам сярдзітым, нездаволеным [жонка] абмерала [Базыля]. ← Мікола Нікановіч. // Прасякнуты, выкліканы гневам, злосцю. Сіеаваронкі з сярдзітым краканнем кружылі над дуплістымі дзеравякамі. ← Якуб Колас.
  3. пераноснае значэнне размоўнае слова Моцны ў сваім праяўленні, люты (пра мароз, вецер і пад.). Сярдзітая нахлынула зіма. ← Максім Танк.
  4. Які моцна дзейнічае (пра віно, табаку, гарчыцу і пад.). Бацька .. перакуліў кілішак, крэкнуў і занюхаў мякішам хлеба. — Сярдзітая, халера, спірытус з панскага бровара. ← Сяргей Грахоўскі. // Залішне высокі, недаступны (пра цану). Сярдзітая цана.
  5. размоўнае слова Старанны, заўзяты. Хлопец страх сярдзіты да работы.