Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 га́сіць, га́шу, га́сіш, га́сіць; незакончанае трыванне
  размоўнае слова З размаху біць, удараць па чым-н. Мяняліся .. [рабочыя] ўсё часцей і часцей, малатабоец усё шпарчэй і мацней гасіў з-за вуха молатам. ← Кузьма Чорны.
 гасі́ць, гашу́, га́сіш, га́сіць; незакончанае трыванне, што.
  1. Спыняць гарэнне; тушыць. Гасіць агонь. ▪ Маці чакала сына і не гасіла лямпы. ← Васіль Каваль.
  2. пераноснае значэнне Не даваць развівацца чаму-н.; заглушаць (жаданні, пачуцці). Гасіць усмешку. ▪ [Аксіння] рашыла ісці напрамую і гаварыць так, каб Палікарпаўна не магла гасіць яе словы жартамі. ← Аляксей Кулакоўскі.
  3. Рабіць што-н. несапраўдным; пагашаць. Гасіць доўг. Гасіць паштовыя маркі.
  4. Памяншаць ці ліквідаваць што-н., аслабляць дзеянне чаго-н. Гасіць хістанні.
  •••
  Гасіць вапну — змешваць едкую (нягашаную) вапну з вадой, каб атрымаць будаўнічую вапну.