Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 заваліцца, -валюся, -валішся, -валіцца; закончанае трыванне
  1. Упасці за што-н. Кніга завалілася за шафу. ▪ Адзін пялёстак сарваўся з агністай кветкі, упаў Яську ў правы лапаць і заваліўся за анучу. ← Сцяпан Александровіч. // Згубіцца, упаўшы за што-н., куды-н. [Любка] то шукала яшчэ аднаго нажа, які недзе заваліўся, то дасыпала солі на сподак. ← Уладзімір Дамашэвіч. // абласное слова Зваліцца, уваліцца куды-н. У рашучы момант конь.. недалужна згайдануўся, нырнуў і заваліўся пярэднімі нагамі ў яму, прысыпаную снегам. ← Якуб Колас.
  2. Паваліцца, абваліцца, абрушыцца. — Гнілое ты не падпірай, яно заваліцца ўсё роўна. ← Уладзімір Дубоўка. — Мама, — пераконвала Марына, — заваліцца яшчэ столь і нас з табой прыцісне. ← Барыс Стральцоў. А цяпер яна, студня тая, завалілася. Дрэва хоць і камянее ў сырой зямлі, а ўсё роўна гніе памаленьку. ← Іван Пташнікаў. / размоўнае слова Упасці, не ўстояўшы на нагах. Азін немец.. піхнуў [маці] карабінам у грудзі так, што яна аж завалілася. ← Максім Гарэцкі.
  3. размоўнае слова Улегчыся, залегчы. — Тут, пан мой, паненкі адны сядзяць, а ён спаць заваліўся, — адчытваў Лабановіча вясёлы падлоўчы. ← Якуб Колас. Сымон заваліўся на ложак і праспаў да самага вечара. ← Аркадзь Чарнышэвіч.
  4. размоўнае слова Бесцырымонна зайсці, заявіццца куды-н. Калі Бешчат.. памкнуўся зашторваць акно, да яго ў бар нечакана заваліўся пан Томчак. ← Алесь Бажко.
  5. чым. размоўнае слова Атрымаць многа чаго-н. Паходню няма чаго бунтаваць. Яны сёлета заваляцца хлебам. ← Тарас Хадкевіч.
  6. Аказацца заваленым, загрувашчаным чым-н. І ўжо ніколі не зарасце гэтая сцежка мохам ці травою, не заваліцца ламаччам. ← Аляксей Кулакоўскі.
  •••
  Хоць заваліся — пра поўны дастатак, мноства чаго-н. — Лёгка цяпер вучыцца дзецям. Кніжак — колькі хочаш, паперы і сшыткаў — хоць заваліся, настаўнікі — усе з вышэйшай адукацыяй. ← Максім Лужанін.