Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 перанесціся, -нясуся, -нясешся, -нясецца; -нясёмся, -несяцеся; прошлы час перанёсся, -неслася і -няслася, -неслася і -няслося; загадны лад перанясіся; закончанае трыванне
  1. Хутка перамясціцца куды-н. Агонь перанёсся ў лес, патрэсквала сухое сучча, чырвоныя істужкі пераскоквалі з дрэва на дрэва, пакідаючы рыжавата-чорныя плямы. ← Ілья Гурскі. Нібы птушка, адарваўся [алень] ад зямлі, узняўся ў паветра і плаўна перанёсся цераз ствол на сваіх нябачных крыл[ах]. ← Віталі Вольскі. // Распаўсюдзіцца на што-н. другое, перамясціцца ў іншае асяроддзе. Пачалося ўпартае змаганне за сцэну. Змаганне перанеслася ў школу, дзе сярод вучняў было многа гурткоўцаў. ← Платон Галавач.
  2. пераноснае значэнне Перанесці сябе ў думках, уяўленнях у іншае месца, іншае асяроддзе і пад. Перанесціся ў мінулае. ▪ [Маша] перанеслася ў думках на палі сваёй брыгады, пераходзіла з ўчастка па ўчастак, любавалася маладою рунню. ← Іван Шамякін.