Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 нанач, прыслоўе
  1. З наступленнем, пачаткам ночы. Учора нанач вецер сціх, заружавелася на захадзе неба, памацнеў холад, паказвала на мароз. ← Іван Пташнікаў. [Лабановіч:] — Дык нават, бабка, не ў нядзельку, а ў суботу нанач надумаўся я паехаць у госці да таго паніча! ← Якуб Колас. // На начны час, на ўсю ноч. Кветкі, якія згортвалі нанач свае пялёсткі, распусціліся, і вакол іх звінелі пчолы, бомкалі чмялі. ← Віктар Дайліда. // Перад начным сном. Памыцца нанач. ▪ З-за дзвярэй Балеслаў чуў, як [маці] малілася нанач. ← Кузьма Чорны.
  2. На начлег, каб пераспаць ноч. Застацца нанач. ▪ Чалавек адказаў, што ён жабрак і просіцца нанач. ← Платон Галавач. Дайшоў [Іван] да таго горада, дзе жыў цар, і папрасіўся ў аднае бабулі нанач. ← Алесь Якімовіч.