Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 нітка, -і, ДМ -тцы; Родны склон мн. -так; жаночы род
  1. Тонка ссуканая пража, якая выкарыстоўваецца для шыцця, вязання і пад. [Варвара:] — Збегай, Косцік, вазьмі ў шуфлядзе чорны гузік і іголку з чорнай ніткай. ← Алена Васілевіч. За прасніцай некалі маці тужыць, Суровая нітка праз пальцы бяжыць. ← Анатоль Вялюгін.
  2. Нізка (пацерак, караляў і пад.). Да .. шыі [мадонны на карціне] была падвешана (прыбіта цвічкамі) нітка сапраўдных караляў. ← Кузьма Чорны.
  3. Прадмет, які па сваёй форме падобны на нітку. У іржэўнік парванымі, патузанымі ніткамі паўпляталася павуцінне. ← Янка Скрыган. // пераноснае значэнне Аб чым-н. такім, што нагадвае нітку. [Самалёты] пакідалі за сабой танюткія серабрыстыя ніткі следу. ← Міхась Лынькоў.
  4. пераноснае значэнне Аб чым-н. пабудаваным, што выцягнулася ў выглядзе простай лініі. Нітка чыгункі. Нітка трубаправода. ▪ Чырванаватая нітка брукаванага тракту паблісквае вільгаццю. ← Максім Лужанін.
  5. пераноснае значэнне Тое, што злучае, служыць для сувязі. Газеты з'яўляюцца для Міхалкі вышэйшай школай — універсітэтам. Яны злучаюць яго нябачнымі ніткамі з усім светам. ← Змітрок Бядуля. // Рад, чарада чаго-н. Нітка ўспамінаў. ▪ Думкі паўзуць шэрай, блытанай ніткай. ← Міхась Лынькоў.
  •••
  Да (апошняй) ніткі — усё, поўнасцю, да канца (аграбіць, абабраць, праліць і пад.).
  На жывую нітку — не грыва ла (зрабіць што-н.). Двор зарос травой, паркан пастаўлен на жывую нітку, на хляве — прагніўшая страха. ← Іван Навуменка.
  Прамокнуць да ніткі гл. прамокнуць.
  Праходзіць чырвонай ніткай гл. праходзіць.
  Шыта белымі ніткамі гл. шыты.