Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 сапернік, -а, мужчынскі род
  1. Той, хто імкнецца перамагчы каго-н., дабіваючыся адной і той жа мэты. Сястрыца часценька праглядае гэтыя лічбы — правярае работу сваіх сапернікаў з другіх змен. ← Хвядос Шынклер. [Міхаіл:] — У тых, вашых сапернікаў, сапраўды крыху лепшыя паказчыкі. ← Уладзімір Карпаў. Сур'ёзнымі сапернікамі.. былі спартсмены Італіі. ← газета «Звязда». // Той, хто ўступае ў саперніцтва з кім-н., дамагаючыся кахання якой-н. жанчыны. А.. [Змітрок] нават не змагаецца за.. [каханне], не дае належнага адпор у сваім сапернікам. ← Мікола Ваданосаў. [Пеця] ішоў да.. [Траянавых], як у родны дом. Сэрцам адчуў саперніка. ← Іван Шамякін.
  2. Той, хто мае роўныя з кім-н. заслугі, аднолькавыя якасці. Перакладчык павінен быць дастойным сапернікам паэта. ← часопіс «Полымя». / у пераноснае значэнне ужыв. Сапраўдным «сапернікам» металу ў машынабудаванні становіцца ў нас сінтэтычная смала капрон. ← часопіс «Полымя».