Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 пабіць, -б'ю, -б'еш, -б'е; -б'ём, -б'яце; загадны лад пабі; закончанае трыванне, каго-што.
  1. Разбіць на кавалкі, часткі. Пабіць талерку. // Разбіць усё, многае. Пабіць пасуду.
  2. Забіць, перабіць усіх, многіх. [Дзед:] — Я табе пакажу, як бэсціць героя турэцкай вайны, старога мікалаеўскага ваяку, які, можна сказаць, вось гэтай слаўнай рукой сотні ворагаў пабіў — батальёны турак палажыў... ← Міхась Лынькоў. // Знішчыць, пашкодзіць пасевы, расліны градам, марозам. Град пабіў жыта. Рунь набілі марозы.
  3. Перамагчы ворага. [Алена:] — У сяле гавораць, што пад Ганусамі паўстанцы-сяляне ўшчэнт набілі палякаў. ← Якуб Колас. // Перамагчы ў спаборніцтве, спрэчцы, дыспуце і пад.
  4. Нанесці набоі; збіць. На сэрцы [у Маі] цяжка, нават балела цела, нібы яе набілі. ← Ігнат Дуброўскі. // Пашкодзіць ударам (якую-н. частку цела). Пабіць бок. ▪ Афіцэр, які зваліўся з лесак, моцна пабіў сабе спіну аб сасновы корч. ← Якуб Колас.
  5. Сапсаваць, пашкодзіць (пра воспу, моль і пад.). Моль пабіла паліто. Воспа пабіла твар.
  6. размоўнае слова Раздзяліць, падзяліць на якія-н. часткі. Пабіць поле на агароды. Пабіць кругляк на клёпкі.
  7. з'явіцца, узнікнуць; усыпаць. Кусцістыя бровы генерала пабіла сівізна. ← Антон Алешка. // безасабовая форма Накрыцца плямамі. У яго [Светазара] ажно твар на плямы пабіла. ← Мікола Ракітны.
  8. У картачнай гульні — накрыць карту партнёра старшай картай. — А твайго валеціка я паб'ю сваёю дамачкай, — весела сказаў Глеб. ← Яўген Васілёнак.
  •••
  Пабіць рэкорд — устанавіць новы рэкорд, новыя нормы. Вось хвілінай раней перадавалі, што ўкраінскія сталявары пабілі сусветны рэкорд па выплаўцы сталі. ← Уладзімір Шыцік.