Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 кніга, -і, ДМ кнізе, жаночы род
  1. Друкаванае выданне (даўней — рукапіснае) у форме збрашураваных і пераплеценых разам аркушаў з тэкстам і ілюстрацыямі. Пераплёт кнігі. Выдаць кнігу масавым тыражом. Кніга — крыніца ведаў, важнейшы сродак асветы і прагрэсу. / у знач. зборны назоўнік Кнігу — масам! // Твор больш-менш значнага памеру, надрукаваны або падрыхтаваны да друку асобным выданнем. Напісаць кнігу. Навукова-папулярная кніга. Змест кнігі.
  2. Сшытыя, пераплеценыя лісты паперы для якіх-н. запісаў. Кніга скаргаў і прапаноў. Бухгалтарская кніга. Кніга водгукаў. Кніга ўліку.
  3. Адна з некалькіх вялікіх частак навуковага ці літаратурнага твора. Першая кніга дылогіі. Раман у трох кнігах.
  4. пераноснае значэнне; чаго. Пра тое, з чаго можна атрымаць якія-н. звесткі, у чым знайшло адбітак, адлюстраванне што-н. Кніга жыцця. ▪ [Гарлахвацкі:] Зямныя нетры нямала хаваюць у сабе такіх астаткаў ранейшай флоры і фауны. Гэта жывая кніга прыроды. ← Кандрат Крапіва.
  5. звычайна мн. (кнігі, кніг). Тое, што і кніжка (у 3 знач.).
  •••
  Галоўная кніга — асноўная бухгалтарская кніга для сістэматычнага запісу ўсіх рахункаў і прыходна-расходных аперацый.
  Дамавая кніга — кніга для рэгістрацыі жыльцоў дома.
  Шнуравая кніга — уліковая кніга, прашытая шнурам.