Drukarnik™ вылучае b-варыянты і пазабазавае.
Ці дапушчальна правяраць ТСБМ-1984 па правілах-2010?

 знаходка, -і, ДМ -дцы, жаночы род
  1. Дзеянне паводле знач. дзеяслоў знайсці (у 1 знач.). Знаходка абоймы выклікала ў хлопца паток самых неверагодных, фантастычных думак. ← Мікола Гамолка.
  2. Родны склон мн. -дак. Знойдзеная рэч, прадмет і пад. Летась, купаючыся, напаткаў .. [Андрэй] выпадкам гэты дуб у пяску на дне Нёмана. Пачаў тупаць каля яго, зацікавіўся знаходкаю. ← Якуб Колас. // пераноснае значэнне Што-н. новае, створанае, знойдзенае ў працэсе творчага пошуку. Паэтычныя знаходкі. ▪ У рэпартажы ёсць цікавыя моўныя знаходкі. ← газета «Літаратура і мастацтва».
  3. Пра каго-, што-н. удала знойдзенае, набытае і вельмі патрэбнае для каго-, чаго-н. — Тут кожны чалавек дораг, а ты, таварыш Кручын, для нас — проста знаходка. ← Тарас Хадкевіч. Муляр 7-га разраду — знаходка для кожнай будоўлі. ← Уладзімір Дадзіёмаў.
  •••
  Стол знаходак гл. стол.